ᐱᔨᑦᓯᖅᑕᐅᓃᑦ - Special Services

ᐃᑭᒪᔪᖅ ᑐᒃᓯᕋᕈᖕᓇᕐᒪᑦ ᐃᒃᓯᕙᐅᑕᑲᓂᕐᒥᒃ ᓈᒻᒪᑎᐊᕈᒪᓗᓐᓂ ᐅᕙᓘᓃᑦ ᐊᔪᕈᑎᖃᕐᓂᖅᐸᑦ. ᑖᑉᓱᒥᖓ ᐊᑐᕆᐊᖃᕐᓂᕈᕕᑦ, ᑐᓴᖅᑎᑦᓯᓂᐊᖅᐳᑎᑦ ᐃᑭᓱᐊᖅᑐᑦ ᐱᔨᑦᓯᖅᑎᖓᓐᓂᒃ ᐅᖃᓗᒡᓗᑎᑦ ᐊᑭᖃᖏᑐᒻᒧᑦ 1-800-839-2256 ᐊᑐᐃᓐᓇᐅᔪᓐᓂᒃ ᑐᑭᓯᑎᑕᐅᓂᐊᕋᕕᑦ ᐊᑐᐃᓐᓇᐅᓂᖏᓐᓂᒡᓗ. ᐃᑭᒪᓂᐊᖅᑐᑦ ᑐᒃᓯᕋᕈᖕᓇᖅᐳᑦ ᑳᐊᒻᒥᐊᒃᑯᑦ ᐱᔨᑦᓯᕐᕕᖓᓐᓄᑦ ᐃᒃᓯᕙᐅᑕᑲᓂᕐᒥᒃ ᑐᒃᓯᕋᕐᓗᓐᓂ ᐃᑲᕋᑦ 48 ᐊᐅᓚᓂᐊᓵᕐᓂᖓᓐᓂ.

ᐊᕐᓇᖅ ᓯᖓᐃᔪᖅ ᖃᖓᑐᐃᓐᓇᖅ ᐃᑭᐅᔪᖕᓇᖅᐳᑦ ᖃᖓᑕᖃᑕᐅᓗᓂᓗ. ᐊᕐᓇᐃᑦ ᓯᖓᐃᔪᑦ ᐅᖓᑖᓐᓂ 36 ᐱᓇᓱᐊᕈᓰᑦ ᐱᖃᕐᓗᑎᒃ ᓇᔭᖑᐊᕐᒥᒃ ᐃᔅᓗᐊᖅᓴᐃᔨᒥᓘᓃᑦ ᑎᑎᕋᖅᓯᒪᔪᒻᒥᒃ ᑐᓂᔭᐅᔪᒪᓗᑎᒃ ᑎᖕᒥᓲᒻᒥ ᐃᑭᐅᔫᓪᓗᐊᕐᒪᑕ ᐊᒪ ᐃᒃᓯᕙᐅᑕᐅᑉ ᑕᑉᓯᖓ ᐊᓐᓂᕐᓂᖕᓂᐊᖏᒻᒪᑦ ᐃᓅᖏᑐᒻᒥᒃ ᓄᑕᕋᓛᒻᒥᒃ. ᐃᑭᒪᓐᓂᖅ ᐊᑯᓐᓂᖓᓂ 39 – 40 ᐱᓇᓱᐊᕈᓰᑦ ᐊᔪᖅᑎᑕᐅᓂᐊᖅᐳᑦ.

ᑲᐋᒻᒥᐊᑯᑦ ᐃᑭᐅᑎᑦᓯᔫᓪᓗᐊᖅᐳᑦ ᒥᑭᔪᓐᓂᒃ ᐃᒡᓗᕐᔪᐊᕐᒥᐅᑕᓐᓂᒃ ᑎᒍᐊᕐᓂᒃ ᑎᖕᒥᓲᒻᒥ. ᐱᓂᓗᒃᐸᑲᓗᐊᕐᓗᑕ ᓈᒻᒪᒃᑎᑦᓯᓂᓗᒃᓗᑕ ᐃᓄᐃᑦ ᐃᓚᖏᑦ ᐊᔪᕆᔭᖃᕐᒪᑕ ᓂᕐᔪᑎᓐᓂᒃ ᖃᓂᓐᓂᕐᒥᒃ, ᑎᖕᒦᓲᖅ ᐊᒥᓱᓐᓄᑦ ᐊᑐᒐᐅᓱᕐᒪᑦ ᐱᑕᖃᖏᑎᑦᓯᓂᕐᒥᒃ ᐃᓄᐃᑦ ᐃᓚᖏᑕ ᐊᔪᕈᑎᖏᓐᓂᒃ ᐊᔪᕐᓇᖅᐸᑭᕗᖅ.

ᑳᐊᒻᒥᐊᒃᑯᑦ ᐊᑐᐃᓐᓇᐅᑎᑦᓯᕙᖏᓚᑦ ᖃᖁᓛᓐᓂᒃ ᓂᕆᑎᑦᓯᕙᖏᓚᑦ ᑭᓯᐊᓐᓂ ᐃᓛᓐᓂᑯᑦ ᓂᕆᐊᕐᔪᒐᒃᓴᖅᑕᖃᖅᐸᒃᐳᖅ ᖃᖁᓛᓐᓂᒃ ᐃᓚᖃᖅᑐᓐᓂᒃ, ᐊᔪᖅᐳᒍᓪᓗ ᐃᑭᒪᓂᐊᓐᓂᒃ ᓇᒃᓴᖁᖏᓗᒋᑦ ᖃᖁᓛᓐᓂᒃ ᐃᑭᐅᓂᐊᖅᑎᓪᓗᒋᑦ. ᑎᒥᒧᑦ ᓈᒻᒪᒍᓐᓃᕈᑕᐅᓲᒥᒃ ᐱᖃᕐᓂᕈᕕᑦ, ᐱᔨᑦᓯᖅᑎᕗᑦ ᑐᓴᐅᒪᑎᓪᓗᒍ ᐃᑲᔪᕐᓂᓗᖕᓂᐊᖅᐳᒍᑦ ᐊᔪᖏᑕᑉᑎᖕᓂᒃ ᐃᓕᖕᓂᒃ.

ᐱᖁᔨᒐᓗᐊᖅᐳᒍᑦ ᐃᑭᒪᔪᑦ ᓇᒃᓴᐃᓇᕐᓗᑎᒃ ᐃᔅᖢᐊᖅᓴᐅᑎᒥᖕᓂᒃ ᐃᑭᒪᓂᐊᖅᑎᓪᓗᒋᑦ. ᐃᔅᖢᐊᖅᓴᐅᑎᑦᑎᑦ ᐃᓕᑕᐃᓕᓗᒋᑦ ᕿᔪᖁᑎᖕᓄᑦ.

ᐃᑭᒪᔪᑦ ᐃᔅᖢᐊᖅᓴᐅᑎᑐᐃᓐᓇᕆᐊᖃᖅᑐᑦ ᖃᖓᑕᓂᕐᒥ ᐊᔪᖅᖢᑎᒡᓗ ᓇᖕᒥᓂᖅ ᐱᖃᑎᖃᕆᐊᖃᖅᐳᑦ ᐊᓯᒥᖕᓂᒃ. ᑎᖕᒥᓲᒻᒥ ᐱᓕᕆᔨᐅᔪᑦ ᐃᔅᖢᐊᖅᑕᐅᑎᓐᓂᒃ ᑐᓂᓯᓂᕐᒥᒃ ᐊᔪᖅᑎᑕᐅᔪᑦ ᐃᑭᒪᔪᒻᒧᑦ.

ᐃᑭᐅᔪᖃᖅᐸᑦ ᑲᐱᔭᐅᔭᕆᐊᖃᖅᐸᒃᑐᒻᒥᒃ ᓇᒃᓴᕆᐊᖃᒻᐸᖏᑦ ᐃᔅᖢᐊᖅᑕᐅᑎᖏ, ᑲᐱᔭᕆᐊᖃᖅᐸᓪᓗ ᐃᔅᖢᐊᖅᓴᐅᑎᓐᓂᒃ ᐊᑐᐃᓐᓇᖅᑕᖃᕐᓗᓐᓂ ᐃᑭᒪᑎᓪᓗᒍ. ᐃᔅᖢᐊᖅᓴᐅᑎᖏᑦ ᐴᖅᓯᒪᑎᐊᕐᓗᑎᒃ ᖃᓄᐃᑑᓂᖏᑦ ᐊᒪ ᐊᑎᓕᐅᖅᓯᒪᓗᑎᒡᓗ, ᓇᑭᓪᓗ ᐃᔅᖢᐊᖅᓴᐅᑎᑖᕐᕕᖕᒥᑦ ᑐᓂᔭᖏᓐᓂᒃ ᐅᕙᓗᓂᑦ ᐃᔅᖢᐊᖅᓴᐅᑎᑦ ᓴᓇᔨᖏᓐᓂᒃ ᑎᑎᕋᖅᓯᒪᓗᓐᓂ.

ᐃᑭᓂᐊᖅᑐᑦ ᑕᐅᑐᖏᑦᑐᑦ ᑕᐅᑐᑦᑎᐊᖏᑦᑐᓪᓗ ᐃ?ᔪᒐᐅᓂᐊᖅᐳᑦ ᕿᒻᒥᖃᖏᑐᑦ ᐃᑲᔪᖅᑎᖃᖏᑐᓪᓗ. ᑐᑭᓯᑲᓂᕈᑎᑦ ᑕᑯᔭᐅᓗᑎᒃ “ᐱᔨᑦᓯᕈᑎᑦ ᐃᓱᒪᓗᐊᖅᑐᓐᓄᑦ ᓂᕐᔪᑎᓐᓄᑦ ᐃᑲᔪᒐᐅᔭᕆᐊᓖᑦ”.

ᐃᑭᓂᐊᑦ ᑐᓵᑎᐊᖏᑦᑐᑦ ᑐᓵᔾᔪᒥᒡᓗ ᐊᑐᖅᑐᑦ ᓯᕗᓪᓕᐅᓗᑎᒃ ᐃᑭᑎᑕᐅᓂᐊᖅᐳᑦ ᐃᑲᔪᖅᑎᖃᖏᑲᓗᐊᖅᐸᑕ ᕿᒻᒥᒥᒃ ᐃᓄᒡᒥᓘᓃᑦ. ᑐᑭᓯᑲᓂᕈᑏᑦ ᐃᑲᔪᖅᑎᐅᓱᖅᑐᓂᒃ ᓂᕐᔪᑎᓂᒃ, ᑕᑯᒋᐊᕐᓗᒋᑦ “ᐃᓄᖕᓂᒃ ᐱᔨᑦᓯᕈᑏᑦ ᓂᕐᔪᑎᑦ”.

ᐊᑐᐃᓐᓇᐅᖏᓐᓇᖅᐸᒃᐳᑦ ᓂᕐᔪᑎᑦ ᐃᑲᔪᖅᐸᒃᑐᑦ ᐃᓄᖕᓂᒃ ᐊᔪᕈᑎᓕᖕᓂᒃ ᐊᒻᒪ ᐃᑭᒪᔫᓪᓗᐊᖅᖢᑎᒃ ᐊᑭᖃᖏᒥᐊᕐᓗᑎᒃ ᑎᖕᒥᓲᒻᒥ. ᑭᓯᐊᓐᓂ ᑳᐊᒻᒥᐊᒃᑯᑦ ᑐᓴᖅᑎᑕᐅᔪᒪᕗᑦ 48 ᐃᑲᕋᑦ ᓯᕗᓂᖓᓐᓂ ᐊᔪᕈᑎᓕᖕᓂᒃ ᐃᑭᒪᔪᖃᕐᓂᐊᕐᓂᖅᐸᑦ, ᐊᑐᐃᓐᓇᐅᔭᕆᐊᖃᖅᐳᓪᓗ ᐱᔨᑦᓯᖅᑎᓐᓂ 90 ᒥᓂᑦᔅ ᖃᖓᑕᕐᓂᐊᓵᕐᓂᖓᓐᓂ.

Calm Air welcomes service animals in all Calm Air-owned buildings when assisting persons with disabilities.

ᐱᔨᑦᓯᖅᑏᑦ ᓂᕐᔪᑎᑦ

ᐱᔨᑦᓯᖅᑏᑦ ᓂᒃᔪᑎᑦ ᓇᓗᓇᐃᖅᓯᒪᔭᕆᐊᖃᖅᐳᑦ ᑎᑎᕋᖅᓯᒪᓗᒍ ᐱᔨᑦᓯᖅᑎᐅᖕᒪᑕ ᐃᓕᓐᓂᐊᖅᑎᑕᐅᓯᒪᑉᓗᑎᒡᓗ ᖃᐅᔨᒪᑎᐊᖅᑐᒻᒧᑦ ᓂᕐᔪᑏᑦ ᐃᓕᓐᓂᐊᕐᕕᖓᓐᓂ. ᐱᔨᑦᓯᖅᑎᑦ ᐃᑭᒪᖃᑕᐅᔭᕆᐊᖃᖅᐳᑦ ᐃᑭᒪᔪᒻᒥ ᖃᓃᓐᓇᕐᓗᑎᒃ ᐊᑐᕆᐊᖃᖅᐳᓪᓗ ᐊᓄᒻᒥᒃ ᐃᑭᒪᓂᓗᒃᑖᖓᓐᓂ.

ᐃᓱᒫᓗᖕᓂᕐᒧᑦ ᐃᑲᔪᑏᑦ ᓂᕐᔪᑎᑦ

ᐃᓱᒫᓗᖕᓂᕐᒧᑦ ᐃᑲᔪᖅᑎᑦ ᑕᐃᔭᐅᑐᐃᓐᓇᖅᑐᑦ ᕿᒻᒥᑦ ᐃᑲᔪᖅᐸᒃᑐᑦ ᐃᓱᒪᒃᑯᑦ ᐃᓕᖁᓯᑯᓪᓗ ᐊᔪᕈᑎᓕᖕᓂᒃ. ᐊᑕᐅᓯᕐᒥᒃ ᐃᑭᒪᔪᖅᕿᒻᒥᓕᔭᕆᐊᖃᖅᐳᖅ ᐃᑲᔪᖅᑎᐅᔪᒻᒥᒃ, ᐊᒪ ᐱᑐᒃᓯᒪᑎᐊᕐᓗᓐᓂ. ᐅᑯᐊ ᒪᓕᒐᐃᑦ ᐊᑐᕆᐊᖃᖅᐳᑦ:

• ᑎᑎᖃᑦ ᓇᓗᓇᐃᖅᓯᒪᔪᑦ ᐊᑐᐃᓐᓴᓇᐅᔭᕆᐊᓖᑦ ᐊᑖᓐᓂ ᑎᑎᕋᖅᓯᒪᔪᑦ ᒪᓕᒡᓗᒋᑦ.
• ᕿᒻᒥᑦ ᑭᓯᒻᒥᒃ ᑕᐃᔫᓪᓗᐊᖅᐳ ᐃᓱᒫᓗᖕᓂᕐᒧᑦ ᐃᑲᔪᖅᑎᐅᓂᕋᒐᐅᓗᑎᒃ.
• ᐊᑕᐅᓯᕐᒥᒃ ᐃᑭᒪᔪᑦ ᕿᒻᒥᒻᒥᒃ ᓇᒃᓴᕆᐊᖃᖅᐳᖅ.
• ᐊᓄᓯᒪᑎᐊᕐᓗᓐᓂ ᐱᑐᒃᓯᒪᑎᐊᕐᓗᓂᓗ (ᓇᓗᓇᐃᑯᑕᖃᕐᓗᓂᓗ ᖁᖏᓯᓂᖓᓐᓂ) ᑎᖕᒥᓲᒻᒧ ᐱᑐᒃᓯᒪᔭᕆᐊᖃᖏᓚᖅ.
• ᐃᑭᒪᔪᖅ ᐃᒃᓯᕙᐅᑕᖃᕆᐊᖃᖏᑐᖅ ᑐᐊᕕᕐᓇᖅᑐᑉ ᐃᒃᓯᕙᐅᑕᖓᓐᓂ ᐊᓂᑉᕕᐅᓂᐊᖅᑐᒻᒥᓗ ᑐᐊᕕᕐᓇᖅᑐᖃᓕᕐᓂᖅᐸᑦ.
• ᕿᒻᒥᒃ ᐃᓄᖕᒥᓂ ᐃᒃᓯᕙᔫᓪᓗᐊᖅᐳᖅ ᕿᒥᐅᓯᖅᓯᒪᓗᓐᓂ ᐱᑐᒃᓯᒪᓗᓂᓘᓃᑦ ᐅᖁᒪᐃᓐᓂᖃᖏᐸᑦ 15 ᐸᐅᓐᔅᒥᒃ, ᐊᑐᖏᑐᒥᓗ ᐃᓄᖃᖏᑐᒥ ᐃᒃᓯᕙᐅᑕᕐᒥ ᐃᓂᖃᕆᐊᖃᖏᓚᖅ.
• ᕿᒻᒥᖅ ᐅᖁᒪᐃᓂᓕᒃ 20 ᐸᐅᓐᔅᒥᒃ ᓇᒃᓴᒐᐅᔫᓪᓗᐊᖅᐳᖅ ᑭᓯᐊᓐᓂ ᐱᑐᒃᓯᒪᓐᓇᕆᐊᓕᒃ ᕿᒻᒥᐅᓯᕕᖕᒥᓯᐅᕐᓗᓂᓘᓃᑦ.
• ᕿᒻᒥᒃ ᐃᓕᓂᐊᖅᑎᑕᐅᓯᒪᔭᕆᐊᖃᖅᐳᖅ ᐱᓱᓗᒥᐊᖏᓂᕐᒥᒃ, ᕿᓗᒥᐊᖏᓂᕐᒥᒃ, ᑮᓯᑦᑕᖏᓗᓂᓗ ᐃᓄᖕᓂᒃ] ᖃᓕᖑᑦᑕᖏᓗᓐᓂ ᐃᓄᐃᑦ ᐊᑯᓐᓂᖓᓐᓂ.
• ᓇᒧᒥᐊᕐᓗ ᑎᖕᒥᓲᑉ ᐃᓗᐊᓐᓂ ᖁᐃᑦᑕᖏᓗᓐᓂ ᐊᓇᖅᑕᖏᓗᓂᓗ ᐱᔭᕆᐊᓕᒃ.
• ᐃᑭᐅᔪᖅ ᐊᓇᕐᕕᖕᒥᒃ ᐊᑐᕆᐊᖃᓕᕐᓂᖅᐸᑦ ᕿᒻᒥᖓ ᐃᓚᐅᔭᕆᐊᖃᖅᐳᖅ ᕿᒪᒃᓴᐃᓕᓗᒍᖢ ᐃᒃᓯᕙᐅᑕᖓᓐᓂ.

ᐃᑭᐅᔪᖅ ᐃᓱᒫᓗᓗᐊᕐᓂᕐᒧᑦ ᕿᒻᒥᒃᒥ ᐊᑐᕈᐊᖅᑐᖅ, ᑎᑎᖃᒻᒥᒃ ᑐᓂᓯᖁᔭᐅᕗᖅ ᐃᓕᓐᓂᐊᖅᓯᒪᑎᐊᖅᑐᒻᒧᑦ ᐃᓱᒪᓕᕆᔨᒻᒧᑦ (ᐃᓱᒪᓕᕆᔨ, ᓂᐊᖁᓕᕆᔨ, ᓚᐃᓴᖃᖅᑐᖅ ᐃᓄᓕᕆᔨᓘᓃᑦ) ᐅᑭᐅᑉ ᐃᓗᐊᓐᓂ ᐊᐅᓚᕐᓂᐊᕐᓂᖓ ᓇᓗᓇᐃᖅᓯᒪᓗᒍ. ᑖᒻᓇ ᑎᑎᖃᖅ ᓇᓗᓇᐃᖅᓯᒪᔭᕆᐊᖃᖅᐳᖅ:

• ᐃᑭᐅᓂᐊᖅᑐᖅ ᐃᓱᒪᒥᒍᑦ ᐊᔪᕈᑎᖃᕐᒪᑦ ᖃᐃᔭᐅᔪᒻᒥᒃ DSM IV (ᖃᕆᑕᖓ ᖃᐅᔨᓴᒐᐅᓯᒪᑉᓗᓂ ᐊᒪ ᑎᑎᕋᒐᐅᓯᒪᑉᓗᓐᓂ ᐃᓱᒪᖓ ᓈᒻᒪᖏᑦᑕᕐᒪᑦ). ᐊᔪᕈᑎᖃᕐᒪᑦ ᑎᑎᕋᒐᐅᓯᒪᑐᐃᓐᓇᖏᓗᓐᓂ.
• ᑕᒻᓇ ᐃᓱᒪᒥᒍᑦ ᓈᒻᒪᖏᑐᓐᓄᑦ ᐊᑐᒐᐅᓂᐊᖅᑐᖅ ᕿᒻᒥᖅ ᐃᑭᐅᓂᖓᓂᓗᒃᑖᖅ ᐊᒻᒪ ᑎᑭᓐᓂᖓᓐᓂ ᐅᕐᓂᒑᓐᓄᑦ.
• ᑎᑎᖃᒻᒥᒃ ᓈᒻᒪᒃᓴᕐᓂᕋᖅᑐᒻᒥᒃ ᑎᑎᕋᖅᑐᖅ ᓚᐃᓴᖃᖅᑑᓗᓐᓂ ᐊᓐᓂᐊᖅᑕᐃᓕᓂᕐᒧᑦ; ᐊᒻᒪ
• ᐃᑭᐅᔪᕐᓗ ᒥᐊᓂᕆᔭᐅᓂᕋᕐᓗᓐᓂ ᓚᐃᓴᓕᖕᒧᑦ ᐊᓐᓂᐊᖅᑐᓕᕆᔨᒻᒧᑦ ᑎᑎᖃᒻᒥᒃ ᐋᕿᒃᓱᐃᔪᒻᒥᒃ. Tᑕᒻᓇ ᑎᑎᖃᖅ ᓚᐃᓴᒥᓂᒃ ᐅᖃᐅᓯᖃᕐᓗᓐᓂ (ᖃᓄᐃᑑᓂᖓᓂ, ᑐᓂᔭᐅᓂᖓ ᐅᑉᓗᖅ, ᐊᒪ ᑭᑐᓐᓂᑦ ᑐᓂᔭᐅᓂᖓᓐᓂᒃ).

ᑲᐋᒻᒥᐊᒃᑯᑦ ᐃᓱᒪᖕᒪᑕ ᐃᓄᖕᓂᒃ ᐃᑲᔪᖅᑎᐅᔪᑦ ᐊᔪᖏᑎᐊᕐᒪᑕ ᑎᒥᒥᑎᒍ ᐃᑲᔪᕆᐊᖃᕐᓂᖏᓐᓂᒃ ᐊᔪᕈᑎᖃᖅᑐᓐᓂᒃ ᓯᕗᓂᖓᓂ, ᐃᑭᒪᑎᓪᓗᒋᑦ ᐊᒻᒪ ᒥᓯᒪᓕᖅᐸᑕ. ᑭᓯᐊᓐᓂ ᐃᑲᔪᖅᑎᑦ ᐃᓕᓐᓂᐊᖅᑎᑕᐅᓯᒪᖏᑐᑦ ᓇᔭᖑᐊᖅᑎᑐᑦ ᐃᔅᖢᐊᖅᓴᐃᔨᑎᑐᓪᓗ.

ᑎᖕᒥᓲᒻᒥ ᐃᑭᐅᕕᒋᓂᐊᒃᑲᖅᓂ ᐊᓂᖅᓵᖅᑑᒻᒥᒃ ᐊᑐᕆᐊᖃᕐᓂᕈᕕᑦ, ᑐᓴᖅᑎᑦᓯᔭᕆᐊᖃᖅᐳᑎᑦ ᑳᐊᒻᒥᐊᒃᑯᓐᓂᒃ ᐃᑲᕋᑦ 48 ᓯᕗᓂᖓᓐᓂ ᖃᖓᑕᒋᐊᓚᐅᖏᓂᐅᑉ ᐋᕿᐅᒪᓂᐊᕐᒪᑕ ᐊᒪ ᑎᑎᕋᒐᐅᓯᒪᓂᐊᕐᒪᑕ ᒪᓕᒐᐃᓪᓗ ᒪᓕᒐᐅᑎᐊᕐᓂᐊᕐᒪᑕ.

ᑎᑎᖃᑦ ᐊᓐᓂᐊᕐᓂᕐᒧᑦ ᐊᖏᖅᑕᐅᓯᒪᓂᖏᑦ:

• ᐃᑭᐅᔪᑦ ᓇᒃᓴᖅᑐᑦ ᐊᓂᖅᓵᖅᑑᑎᓐᓂᒃ ᐊᑐᖅᑐᓘᓃᑦ ᓇᒃᓴᕆᐊᓕᖕᓂᒃ ᐳᑉᓚᖕᓂᒡᓘᕙ ᐃᒡᖢᐊᖅᑕᐃᔨᒻᒥᑦ ᓇᔭᖕᖑᐊᕐᓂᓘᕙ ᐱᓯᒪᔭᕆᐊᖃᖅᐳᖅ ᐃᑭᐅᔪᑉ ᖃᓄᐃᓐᓂᖓᓐᓂᒃ ᐅᖃᖅᓯᒪᔪᒻᒥᒃ . ᖃᐅᔨᒪᓂᐊᖅᐳᑎᑦ: ᑖᒻᓇ ᑎᑎᕋᖅᓯᒪᔪᖅ ᐅᑭᐅᒻᒥ ᐊᑐᖅᑐᒻᒥ ᑎᑎᕋᖅᓯᒪᔭᕆᐊᖃᖅᐳᖅ ᐊᐅᓪᓚᕐᓂᐊᕐᓗᓐᓂ.
• ᐊᓯᖏ ᑎᑎᖃᑦ ᑐᒃᓯᕋᒐᐅᔫᓪᓗᐊᕐᒪᑕ ᐊᓯᐊᒍᑦ ᑎᖕᒥᓲᓕᕆᔨᓐᓄᑦ ᐃᑭᐅᓇᔭᕐᓂᕈᕕᑦ.
• ᑎᑎᖃᓐᓂᒃ ᐊᓐᓂᐊᕐᕕᖕᒥᖔᖅᑐᓐᓂᒃ ᐊᑐᐃᓐᓇᖅᑕᖃᕆᐊᓕᒃ ᐃᑭᓱᐊᕐᓗᓐᓂ ᐃᓂᒃᓴᖃᕈᐊᖅᑐᓐᓄᑦ.

ᓯᓚᐃᓐᓇᖅᒻᑐᖏᑐᑦ ᐳᑉᓚᐃᑦ ᐊᓂᖅᓵᖅᑐᒻᒧᑦ ᐊᖏᖅᑕᐅᓯᒪᔪᑦ:

• ᑳᐊᒻᒥᐊᒃᑯᑦ ᐊᔪᖏᑎᑦᓯᖕᒪᑕ ᐃᑭᐅᔪᓐᓂᒃ ᓇᖕᒥᓂᖅ “ᐊᓐᓂᐊᕐᓂᕐᒧᑦ” ᐊᓂᖅᓵᖅᑑᑎᓐᓂᒃ ᒪᕈᖕᓂᒃ ᐃᑭᐅᑎᑦᓯᔫᓪᓗᐊᖅᐳ ᐳᑉᓚᖕᓂᒃ ᑲᓇᑕᐅᑉ ᐃᓗᐊᓐᓂ ᑭᓯᐊᓐᓂ ᖃᖓᑕᓂᐊᖅᐸᑕ. ᐃᓚᖃᕐᓗᓐᓂ ᒪᕈᖕᓂᒃ (2) ᐃᑭᐅᔪᖕᓂᒃ ᐊᑕᐅᓯᕐᒥᒡᓗ (1) ᐳᑉᓚᖕᒥᒃ ᐊᑕᐅᓯᕐᒧᑦ (1) ᐃᑭᒪᔪᒻᒧᑦ ᐊᑐᕐᓗᓐᓂ ᒪᕈᖕᓂᒃ ᐳᑉᓚᖕᓂᒃ.
• ᐳᑉᓚᐃᑦ ᐊᑖᓐᓂ ᒪᓕᒐᕐᓂᒃ ᐃᓗᐊᓂᓯᐅᖅᑐᑦ ᑭᓯᒻᒥᒃ ᐃᑭᐅᔫᓪᓗᐊᖅᐳᑦ ᑎᖕᒥᓲᖓᓐᓂ:

• ᐳᑉᓚᐃᑦ ᐊᓂᖅᓵᖅᑑᑎ ᐊᔪᖏᑕᕆᐊᓖᑦ − ᓇᓗᓇᐃᑯᑕᖃᖏᓗᑎᒡᓗ ᑎᑎᕋᖅᓯᒪᔪᓐᓂᒃ ᓯᖁᒥᓯᒪᓂᕋᐃᔪᒻᒥᒃ.
• ᐃᑭᐅᔪᑦ ᐃᑲᔪᖅᑎᖓᓪᓗ ᐊᔪᖏᑕᕆᐊᖃᖅᐳᖅ ᐊᐅᓚᑦᓯᓂᕐᒥᒃ ᐊᓂᖅᓵᖅᑑᒻᒥᒃ.
• ᐊᓂᖅᓵᖅᑑᑎ ᐳᑉᓚᖏᑦ ᐃᑭᐅᖃᑕᐅᓂᖅ ᐊᔪᕐᓂᐊᖅᑐᑦ.

ᐊᓂᖅᓵᖅᑑᑎᑦ ᑎᒍᒥᐊᕆᐊᓖᑦ (POC):

• ᑳᐊᒻᒥᐊᒃᑯᑦ ᐃᑭᒪᔪᓐᓂᒃ ᓇᒃᓴᖅᑎᑦᓯᔫᓪᓗᐊᕐᒪᑕ ᑎᒍᒥᐊᕆᐊᓕᖕᓂᒃ ᐊᓂᖅᓵᖅᑑᑎᓐᓂᒃ ᐊᑐᕆᐊᖃᕐᓂᖅᐸᑕ ᐃᑭᐅᔪᒻᒧᑦ ᑎᖕᒥᓲᒻᒥ.
• ᐊᓂᖅᓵᖅᑑᑎᑦ ᑎᒍᒥᐊᕆᐊᓖᑦ ᒪᓕᒋᐊᖃᖅᐳᑦ ᒪᓕᒐᕐᓂᒃ ᑎᑎᕋᖅᓯᒪᔪᓐᓂᒃ ᐃᓂᖃᖅᑎᑕᐅᑎᐊᕐᓗᑎᒡᓗ ᑎᖕᒥᓲᒻᒥ.
• ᐅᑯᐊ ᑳᐊᒻᒥᐊᒃᑯᓐᓂ ᐃᑭᐅᔫᓪᓗᐊᖅᑐᑦ ᐊᓂᖅᓵᖅᑑᑎᑦ:
  1. AirSep Focus
  2. AirSep FreeStyle / AirStep Freestyle 5
  3. AirSep LifeStyle* (if equipped with sticker: "RTCA/DO-160" Section 21Category M Compliant)
  4. Caire Freestyle
  5. Delphi RS-00400 (EVO Central Air) 
  6. DeVilbiss Healthcare iGo
  7. Hi-Sanso Portable
  8. Inogen One OxyGo / Inogen One G2 / Inogen One G3 / Inogen One G4 / Inogen One G5
  9. Inova Labs LifeChoice / LifeChoice Activox
  10. International Biophysics LifeChoice
  11. Invacare Platinum Mobile
  12. Invacare Solo 2*
  13. Invacare XPO2
  14. Oxlife Independence
  15. Oxus RS-00400
  16. OxyGo / OxyGo FIT / OxyGo NEXT
  17. Precision Medical EasyPulse
  18. ResMed AirSence 10
  19. Respironics EverGo
  20. Respironics SimplyGo
  21. SeQual Eclipse*
  22. SeQual eQuinox (model 4000)* / Oxywell (model 4000)
  23. SeQual eQuinox Portable 
  24. SeQual SAROS*
  25. Simply Go Mini
  26. VBOX Trooper
  27. Zen-O / Zen-O Lite
• ᓇᒃᓴᖃᑦᑕᖅ ᐊᓂᖅᓵᖅᑑᑦ ᓈᒻᒪᒋᐊᖃᖅᐳᖅ ᓯᖁᒥᓯᒪᖏᓗᓂᓗ ᐊᑐᓗᐊᖅᓯᒪᖏᓗᓐᓂ ᐊᑐᕐᓂᓗᒃᓯᒪᖏᓗᓂᓗ.
• ᐹᑐᓖᖅᑐᕐᓗᓐᓂ; ᓇᒃᓴᖃᑲᓐᓂᕐᓗᓂᓗ ᐹᑐᓖᓐᓂᒃ ᑎᒍᒥᐊᖃᑦᑕᖓᓐᓂ ᓴᕕᒐᐅᔭᖏᓪᓗ ᐊᒃᑐᐊᑕᐃᓕᓗᑎᒃ ᐊᔪᓕᖅᑕᐃᓕᑎᓪᓗᒍ.
• ᐃᑭᐅᔪᖅ ᐃᑲᔪᖅᑎᖓᓪᓗ ᐊᔪᖏᑕᕆᐊᖃᖅᐳᒃ ᖃᐅᔨᒪᑎᐊᕐᓗᑎᒡᓗ ᐊᓂᖅᓵᑑᒻᒥᒃ ᐊᐅᓚᑦᓯᓂᕐᒥᒃ ᐊᒻᒪ ᐹᑐᓖᖏᓐᓂᒃ ᐃᓕᓯᓂᕐᒥᒃ ᓇᓗᖏᑎᐊᕐᓗᑎᒃ ᖃᖓᑕᑎᓪᓗᒋᑦ.

ᑳᐊᒻᒥᐊᒃᑯᑦ ᖁᕕᐊᓱᑐᐃᓐᓇᕐᓂᐊᖅᐳᑦ ᐃᑲᔪᕆᐊᒃᓴᖅ ᐊᔪᕈᑎᖃᖅᑐᒻᒥᒃ ᐃᑭᒪᔪᒻᒥᒃ ᐊᑐᕆᐊᖃᖅᐸᑦ ᐊᔭᐅᕈᒻᒥᒃ.

• ᖃᓄᐃᑦᑕᐃᓕᓂᕐᒧᑦ, ᐃᖏᕋᔪᓕᕆᔨᑦ ᑲᓇᑕᒻᒥ ᒪᓕᒐᖅᖃᖅᐳᑦ ᖃᑉᓯᖕᓐᓂᒃ ᐃᑲᕈᑕᐅᔪᓐᓂᒃ ᐊᔭᐅᕈᑎᖃᖅᑐᑦ ᐃᑭᒪᔪᑦ ᐊᑐᕆᐊᖃᖅᑕᖏᓐᓂᒃ. ᑕᒻᓇ ᐱᔪᑕᐅᑉᓗᓐᓂ ᓯᕗᓂᖓᓂ ᑐᓴᐅᒪᑎᑕᐅᓱᐊᖅᐳᒍᑦ ᐅᖃᓗᒡᓗᑎᑦ ᐊᑭᖃᖏᑐᒻᒧᑦ 1-800-839-2256, ᐃᑲᕋᑦ 48 ᐃᓗᐊᓐᓂ ᐊᐅᓚᕐᓂᐊᓵᕐᓂᖓᓐᓂ. ᑎᐊᓐᓇ, ᐱᔨᑦᓯᖅᑎᕗᑦ ᐊᕿᐅᒪᓂᐊᕐᒪᑕ ᐊᔪᕈᑎᓕᐅᑉ ᐱᓱᒍᓯᔭᖅᑐᑉ ᑎᑭᓐᓂᐊᕐᓂᖓᓐᓂᒃ ᐃᑲᔪᒐᐅᔭᕆᐊᓕᖕᒥᒃ.
• ᐃᑭᒪᓂᐊᖅᑐᖅ ᐱᖁᑎᖏᑕ ᐊᓯᖏᓐᓂᒃ ᓇᒃᓴᕈᖕᓇᖅᐳᖅ ᐊᑭᓖᖏᓗᓐᓂ ᐊᑕᐅᓯᕐᒥᒃ ᐱᓱᒍᒻᒥᒃ ᐃᓂᖃᖅᑎᑕᐅᓗᓂᓗ ᑎᖕᒥᓲᑉ ᐱᖁᑕᐅᓯᕕᐊᓐᓂ. ᐃᓚᑲᓂᕐᓗᒍ, ᓂᐅᓐᓄᑦ ᐃᑲᔫᑎᑦ, ᐱᓱᒍᑎᑦ, ᐊᔭᐅᐱᐊᑦ ᐃᓚᖏᓪᓗ ᐃᑲᔫᑎᑦ ᐊᑭᖃᖏᓗᒋᑦ ᐃᑭᐅᔫᓪᓗᐊᖢᑎᒃ.
• ᐊᔭᐅᕈᑎᑦ ᐹᑐᓖᖅᑐᖅᑐᑦ (ᐹᑐᓖᖏ ᓄᖑᓴᔪᓖᑦ) ᐃᑭᔫᓪᓗᐊᒥᐊᖅᑐᑦ ᐸᓂᖅᑐᓂᒡᓗ ᐹᑐᒡᓕᖃᖅᑐᑦ . ᐸᑐᓖᑦ ᐃᒪᖃᖅᑐᑦ ᒥᐊᓂᕆᔭᐅᑎᐊᕆᐊᖃᕐᒪᑕ ᒥᑦᑕᕐᕕᖕᒥ ᐅᓗᕆᐊᓇᕐᓂᕋᒐᐅᑉᓗᑎᒃ ᑕᐃᔭᐅᓯᒪᓂᖏᓐᓄᑦ.

ᓄᑕᖃᑦ ᐅᑭᐅᖃᖅᑐᑦ ᐊᑯᓐᓂᖓᓂ 5 ᐊᒻᒪ 11 ᐱᖃᑎᖃᖏᐸᑕ ᐊᒃᑐᒻᒥᒃ ᐅᑭᐅᓕᖕᒥᒃ 16 ᐅᖓᑖᓐᓂ ᐱᑕᑎᒋᓂᐊᖅᑕᖓᓂᒡᓗ ᓇᓗᓇᐃᖅᓯᒪᔪᖃᖏᐸᑦ. ᑳᐊᒻᒥᐊᒃᑯᑦ ᐱᔨᖅᓯᓱᖅᑐᑦ ᐅᑭᐅᑭᓗᐊᖅᑐᓐᓂᒃ, ᐊᑭᖃᕐᓗᓐᓂ $105 ᐊᑕᐅᓯᕐᒧᑦ ᐊᑭᓕᕆᐊᖃᕐᓗᓐᓂ ᐃᓂᒃᓴᓕᐅᕐᓂᖓᓐᓂ ᐃᑭᓂᐊᖅᑐᑉ.

• ᐋᕿᒃᓱᐃᓂᖓᑦ ᑎᑎᕋᒐᐅᓂᖓᓪᓗ UMNR ᐱᔨᑦᓯᖅᑎᖏᓐᓄᑦ ᐊᑐᐃᓇᐅᔭᕆᐊᖃᖅᐳᑦ 24 ᐃᑲᕋᑦ ᐊᐅᓚᕐᓂᐊᓵᕐᓂᖓᓐᓂ. ᑐᓴᖅᑎᑦᓯᔪᖕᓇᖅᐳᑎᑦ ᑳᐊᒻᒥᐊᒃᑯᑦ ᑎᑎᖃᕐᕕᖓᓐᓂᒃ ᐊᐅᓚᕈᒪᔪᓐᓄᑦ ᐊᑭᖃᖏᑐᒃᑯᑦ 1-800-839-2256.
• ᐅᑭᐅᑭᑦᑐᖅ ᒥᑉᕕᖕᒧᑦ ᐊᒡᔭᒐᐅᓗᓐᓂ (90 ᒥᓂᑦᔅ ᐊᐅᓚᓚᐅᖏᓂᖓᓐᓂ) ᒥᐊᓂᖅᓯᔨᖓᓗ ᐅᑕᕿᕕᖕᒥᓯᐅᖅᑐᐃᓇᕐᓗᓐᓂ ᑭᓯᐊᓐᓂ ᑳᐊᒻᒥᐊᒃᑯᑦ ᐱᓯᒪᓕᖅᐸᑕ ᒥᐊᓂᖅᓯᓂᕐᒥᒃ ᐊᐅᓚᕐᓂᐊᓕᕐᓂᖓᓐᓂ. ᒥᐊᓂᖅᓯᔨᐅᔪᖅ ᑎᑎᕋᖅᓯᒪᔪᓐᓂᒃ ᓇᓗᓇᐃᑦᓯᐊᕐᓗᓐᓂ ᐅᑭᐅᑭᑦᑐᖅ ᐅᓯᔭᐅᖕᒪᑦ ᐊᓯᐊᓄᓪᓗ ᑲᑎᑕᐅᓂᐊᕐᒪᑦ ᑎᑭᒃᑯᒻᒥ ᐅᕐᓂᒐᕐᒥᓄᑦ. ᒥᐊᓂᖅᓯᔨᐅᔪᖅ ᑲᑎᓯᓂᐊᖅᑐᖅ ᐅᑭᐅᑭᑦᑐᒻᒥᒃ ᐊᔾᔨᒥᒃ ᓇᓗᓇᐃᑯᑕᒻᒥᒃᓗ ᑎᑎᖃᒻᒥᒃ ᐊᑐᐃᓐᓇᐅᑎᑦᓯᔭᕆᐊᖃᖅᐳᖅ ᐅᑕᕿᔭᖓ ᐅᑭᐅᑭᑦᑐᖅ ᐅᑕᕿᖕᒪᒍ ᑎᖕᒥᓲᓕᕆᔨ ᖃᐅᔨᒪᖁᑉᓗᒍ.
• ᒥᐊᓂᖅᓯᐅᔪᖅ ᑎᖕᒥᓲᖃᕐᕕᖕᒥᓯᐅᖏᓇᕆᐊᓕᒃ ᑭᓯᐊᓐᓂ ᑎᖕᒥᓲᖅ ᖃᖓᑦᑕᖅᐸᑦ.
• ᑳᐊᒻᒥᐊᒃᑯᓐᓂᒃ ᖃᐅᔨᒪᑎᑕᐅᔭᕆᐊᖃᖅᐳᖅ ᐊᑎᖓᓐᓂᒃ ᐅᖃᓘᑎᖓᓂᒡᓗ ᒥᐊᓂᖅᓯᔨᖓᑕ ᑐᐊᕕᕐᓇᖅᑐᖃᓕᕐᓂᖅᐸᑦ ᑎᖕᒥᓲᒻᒥ ᑐᓴᖅᑎᑕᐅᔫᓪᓗᐊᖅᑐᒻᒥᒃ.
• ᒥᐊᓂᖅᓯᔨᖃᖏᑐᑦ ᐅᑭᐅᑭᓗᐊᖅᑐᑦ 5ᒥᑦ 11ᒧᑦ ᐃᑭᑎᑕᐅᓂᖅ ᐊᔪᕐᓂᐊᖅᐳᑦ ᐊᐅᓚᕐᕕᒋᓂᐊᖅᑕᖓᑦ ᒥᑉᕕᐅᓚᒃᓯᓂᐊᖏᐸᑦ. ᒥᐊᓂᕆᔭᐅᔫᓪᓗᐊᕐᓂᐊᖅᑐᖅ ᑳᐊᒻᒥᐊᒃᑯᓐᓄᑦ ᐅᑕᕿᔭᐅᒍᒥ ᑭᓯᐊᓐᓂ ᑎᑭᑉᕕᒋᓂᐊᖅᑕᒻᒥᓐᓂ (ᐊᓯᐊᓐᓄᑦ ᑎᖕᒥᓲᒻᒧᑦ ᐃᑭᓂᐊᖏᑐᐊᖅᐸᑦ).
• ᐊᖏᖅᑕᐅᓯᒪᔪᑦ ᐃᑭᔫᓪᓗᐊᕐᓂᐊᕐᓗᑎᒃ ᐅᑭᐅᑭᑦᑐᒻᒧᑦ ᐃᓂᖃᖅᑎᑦᓯᔭᕆᐊᓖᑦ. ᐃᓂᖃᓕᕐᓂᖓᓐᓄᑦ ᐃᑭᒪᓂᖅ ᐊᔪᖅᑎᑕᐅᕗᖅ.
• ᐅᑭᐅᑭᓗᐊᖅᑐᑦ ᐃᑭᒪᓂᖅ ᐊᔪᕐᓂᐊᖅᐳᑦ ᑳᐊᒻᒥᐊᒃᑯᑦ ᓯᓚᒻᒥᒃ ᓈᒻᒪᖏᓯᓯᓐᓇᕆᐊᓕᖕᒥᒃ  ᓇᓗᓇᐃᖅᓯᓯᒪᓐᓂᖅᐸᑕ.
• ᐅᑭᐅᑭᑦᑐᖅ ᐃᑭᒪᔫᓪᓗᐊᖅᐳᖅ ᖃᖓᑕᓂᐊᖅᑐᒻᒥᒃ ᐃᑲᕋᒃ ᒪᕉᒃ ᐃᓗᐊᓐᓂ ᒥᐊᓂᖅᓯᔨᖓ ᐅᖃᕿᓗᓐᓂ ᑎᑭᓐᓂᐊᕐᓂᖓᓐᓂᒃ, ᒥᐊᓂᕆᓗᓂᐅᒡᓗ ᖃᖓᑕᑲᓂᕐᓂᖓᕐᓂᖓᓐᓂᒃ. ᓇᓗᓇᐃᑯᑕᖃᕆᐊᓕᒃ ᐃᖃᔪᖅᑎᐅᓂᖓᓐᓄᑦ ᒥᐊᓂᖅᓯᔨᐅᓂᖓᓄᓪᓗ.
• ᐅᑭᐅᑭᓗᐊᖅᑐᑦ ᐃᑲᔪᒐᐅᔭᕆᐊᖃᖅᑐᑦ ᐃᔅᖢᐊᖅᓴᐅᑎᑐᕐᓂᖓᓐᓄᑦ,   ᑲᐱᑕᕆᐊᖃᖅᑐᓪᓗ ᐊᓐᓂᐊᕐᓂᖓᓐᓄᑦ, ᐊᑐᕆᐊᖃᖅᖢᑎᒡᓗ ᐃᓕᖁᓯᖓᓐᓄᑦ ᓇᓗᓇᐃᑯᑕᒻᒥᒃ (SSR), ᐊᔪᕈᑎᖃᖅᐸᑕᓘᓃᑦ ᓄᖃᖓᑎᑦᓯᔪᒻᒥᒃ ᐃᓕᖁᓯᖓᓐᓂᒃ ᐃᓄᑑᓗᑎᒃ ᐃᑭᒪᓂᖅ ᐊᔪᕈᑎᒋᓗᒍ ᑭᓯᐊᓐᓂ ᐊᒃᑐᒻᒥᒃ ᐱᖃᑎᖃᕐᓗᑎᒃ.
• ᐅᑭᐅᑭᓗᐊᖅᑐᖅ ᐃᑭᒪᓂᖅ ᐊᔪᖅᑎᑕᐅᓂᐊᖅᐳᖅ ᓈᒻᒪᖏᑐᓐᓂᒃ ᐱᓂᕐᓗᓚᐅᕐᓂᖅᐸᑦ ᐃᓕᖁᓯᖓᓐᓄᑦ ᐃᓱᒫᓗᒃᑎᑦᓯᓂᖓᓄᓪᓗ ᐊᒻᒪ ᐊᓐᓂᐊᕐᓂᖓᓄᓪᓘᕙ ᐱᔨᒻᒧᑦ ᐊᓯᖏᓐᓄᓪᓗ ᐃᓂᖅᑎᑕᐅᓯᒪᓐᓂᖅᐸᑦ ᐱᓂᕐᓗᓂᖓᓐᓄᑦ.
• ᓄᑕᖃᑦ ᐅᑭᐅᖃᖅᑐᑦ ᐊᑖᓐᓂ 5 ᑭᓯᕐᒥᐅᕆᐊᖃᖏᑐᑦ ᐃᑭᒪᓂᐊᕐᓗᑎᒃ.

• ᓄᑕᕋᓛᒻᒥᒃ ᐃᑭᒪᔪᖃᕈᖕᓇᖅᐳᖅ ᒪᕉᒃ ᐅᑭᐅᖃᕐᓗᓐᓂ ᐊᒃᑐᒻᒧᑦ ᐱᖃᑎᒋᔭᐅᓗᓐᓂ ᐊᑭᓖᓯᒪᔪᒻᒧᑦ (16-ᓂᒃ ᐅᖓᑖᓂᓘᓃᑦ ᐅᑭᐅᖃᖅᑐᒻᒧᑦ) ᑎᒍᒥᐊᒐᐅᓗᓐᓂ ᐊᒃᑐᒻᒧᑦ ᖃᖓᑕᓂᒥᖓᓐᓂ. ᐊᑕᐅᓯᕐᒥᒃ ᓄᑕᕋᓛᒻᒥᒃ ᐃᓚᐅᔪᖃᕈᖕᓇᖅᐳᖅ ᐊᒃᑐᒻᒧᑦ ᐊᑭᓖᓯᒪᔪᒻᒧᑦ
• ᐊᓐᓂᖅᑕᐃᓕᒪᓂᕐᒧᑦ ᓄᑕᕋᓛᖅ ᑎᒍᒥᐊᒐᐅᔭᕆᐊᖃᖅᐳᖅ ᐊᒃᑐᒻᒧᑦ ᖃᖓᑕᕐᓂᐊᓵᕐᓂᖓᓐᓂ, ᒥᑉᐸᓕᐊᓂᖓᓐᓂ ᐅᕙᓘᓃᑦ ᑕᑉᓯᑉ ᐃᓕᓯᒪᖁᔨᓂᖓᓐᓂ ᖃᖓᒥᐊᕐᓗ ᐱᔨᒻᒧᑦ ᐅᖃᐅᑎᔭᐅᒃᐸᑦ.
• ᓇᓗᓇᐃᑯᑕᖃᕆᐊᖃᖅᐳᖅ ᖃᑉᓯᓐᓂᒃ ᐅᑭᐅᖃᕐᓂᖓᓐᓂᒃ.
• ᓄᑕᕋᓛᒻᒧᑦ ᐃᒃᓯᕙᐅᑕᕐᒥᒃ ᓂᐅᕕᒐᐅᔪᖃᖅᐸᑦ, ᐃᒃᓯᕙᔭᕆᐊᖃᖅᐳᖅ ᐃᖏᕋᔪᓕᕆᔨᒃᑯᑦ ᑲᓇᑕᒻᒥ ᐊᖏᖅᓯᒪᔭᖓᓐᓂᒃ ᐊᒃᓴᓗᐊᓕᐅᑉ ᐃᒃᓯᕙᐅᑕᖓᓐᓂᒃ.
• ᓄᑕᖃᓐᓄᑦ ᐃᒃᓯᕙᐅᑕᖅ AmSafe CARES ᓴᓇᔭᐅᓯᒪᔪᖅ ᓄᑕᖃᑦ ᐅᑭᐅᖃᖅᐸᑕ ᐊᑕᐅᓯᕐᒥᑦ ᓯᑕᒪᓐᓄᑦ ᐅᖁᒪᐃᓐᓂᖃᖅᑐᓄᓪᓗ 10-20 ᑭᓗᒍᕌᒻ (22-44 ᐸᐅᓐᔅ) ᑕᑭᓂᖓᓪᓗ 100 ᓯᓐᑎᒦᑐ (40 ᐃᓐᓯᔅ) ᒥᒃᓵᓂᓘᓃᑦ. ᑎᖕᒥᓲᑉ ᐃᒃᓯᕙᐅᑕᖓᑕ ᑕᑉᓯᖓᓄᑦ ᕿᓚᒃᓯᒪᑉᓗᓐᓂ ᓄᑕᕋᓛᒻᒥᒃ ᐱᓇᐃᒻᒥᓱᖅᑐᖅ ᑎᖕᒥᓲᑉ ᐃᒃᓯᕙᐅᑕᖓᓂ. ᑕᑉᓯ ᐊᓄᓘᓐᓃᑦ ᑎᖕᒥᓲᑉ ᐃᒃᓯᕙᐅᑕᖓᓐᓄᑦ ᐃᓕᓱᖅᑐᖅ ᐊᑐᒐᐅᔫᓪᓗᐊᖅᐳᖅ. ᑕᑯ ᒋᐊᕐᓗᒍ ᐃᖏᕋᔪᓕᕆᔨᑦ ᑲᓇᑕᒻᒥ ᐃᑭᐊᖅᓯᕕᖓ (ᖃᕆᑕᐅᔭᖓ) ᐊᖏᖅᑕᐅᓯᒪᔪᓐᓂᒃ ᑕᑉᓯᓂᒃ ᐊᑐᕈᖕᓇᖅᑐᓐᓂᒃ ᑎᑎᕋᖅᓯᒪᖕᒪᑦ.

ᐃᑭᒪᔪᑦ ᓄᑕᕋᓛᖃᖅᑐᑦ ᐊᒃᓴᓗᐊᓕᐅᑉ ᐃᒃᓯᕙᐅᑕᖓᓐᓂ, ᐊᔭᐅᕈᒻᒥᒃ ᐱᖑᐊᕐᕕᖕᒥᒡᓘᓃᑦ ᓇᒃᓴᕈᖕᓇᖅᐳᑦ ᐊᑭᖃᖏᓗᒍ. ᖃᐅᔨᒪᓂᐊᖅᐳᑎᑦ ᕿᔪᖁᑎᓐᓄᑦ ᐊᕿᖃᖏᑎᑦᓯᓂᖅ ᓄᑕᖃᒻᒧᑦ ᐃᓅᓴᒻᒧᑦ ᐊᑐᖏᒻᒪᑦ ᐃᒃᓯᕙᐅᑕᒃᓴᖓᓐᓂᒃ ᓂᐅᕕᖅᓯᒪᖏᓗᓐᓂ.